ലോകപരിചയം നന്നെ കുറഞ്ഞൊരു പുത്തന്‍പണക്കാരന്‍ ഒരു കാറു വാങ്ങി. എന്നിട്ട് ഡ്രൈവറെ കൂലിക്ക് വച്ചു.
വാഹനത്തിന്‍റെ കന്നിയോട്ടം നടത്തുകയാണ്‌. ഡ്രൈവര്‍ ഗിയര്‍
മാറ്റിക്കൊണ്ടിരിക്കുന്നു. അതിനെ പറ്റി ചോദിച്ച മുതലാളിക്ക് അയാള്‍
വിശദീകരിച്ച് കൊടുത്തു: ആദ്യം ഫസ്റ്റ് ഗിയര്‍, പിന്നെ സെകന്‍റ്‌, പിന്നെ തേഡ്......... അങ്ങനെയാണ്‌ വണ്ടി ഓടിക്കുന്നത്.
ഇപ്പറഞ്ജതൊന്നും മനസ്സിലാകാതെ അയാള്‍
ചോദിക്കുകയാണ്‌: എന്നാലും എന്തിനാ ഇങ്ങനെ മാറ്റിക്കൊണ്ടിരിക്കുന്നത്?
ആദ്യം തന്നെ ടോപ് ഗിയറിലങ്ങോടിച്ചാല്‍ പോരേ? എന്നാല്‍ തുടക്കം മുതല്‍ തന്നെ വണ്ടി നല്ല
സ്പീഡില്‍ പോകുമല്ലോ.
മുഹമ്മദ് നബിയുടെ ചരിത്രത്തില്‍ വ്യത്യസ്ത ഘട്ടങ്ങള്‍ കാണാം. അത് പോലെ ഖുര്‍ആന്‍ പരിചയപ്പെടുത്തിയ മറ്റ് പ്രവാചകന്‍മാരില്‍ ചിലരുടെ ചരിത്രത്തിലുമുണ്ട് വ്യത്യസ്ത ഘട്ടങ്ങള്‍. അവരെല്ലാവരും തന്നെ
അവരവര്‍ ജീവിച്ച സാഹചര്യങ്ങള്‍ക്കനുഗുണമായ നയ-നിലപാടുകള്‍ സ്വീകരിച്ചവരാണ്‌. വിശ്വാസി സമൂഹത്തിന്‍റെ അംഗ സംഖ്യ, അവര്‍ ഭരണാധികാരികളാണോ അല്ലേ
എന്നത്, എതിര്‍ വിഭാഗത്തിന്‍റെ ശക്തി, അവരുടെ ഇസ്‌ലാമിനോടുള്ള സമിപനം,
അവരെ സ്വാധീനിക്കാന്‍ മുസ്‌ലിംകള്‍ക്ക് എത്രത്തോളം സാധിക്കും എന്നത്, രാജ്യത്ത്
നിലവിലുള്ള സാമൂഹിക-സാംസ്കാരിക- രാഷ്ട്രീയ അവസ്ഥകള്‍ എന്തൊക്കെയാണ്‌-
ഇങ്ങനെ പലതും അവര്‍ പരിഗണിച്ചിരുന്നതായി അവരുടെ ചരിത്രം വിശകലനം ചെയ്താല്‍ കാണാവുന്നതാണ്‌. സ്വന്തം സാഹചര്യങ്ങള്‍ക്കിണങ്ങാത്ത പ്രവര്‍ത്തന ശൈലി കൈക്കൊള്ളുവാന്‍ അല്ലാഹു അവരെ അനുവദിച്ചിട്ടില്ലെന്നും കാണാം.
ഉള്‍ക്കാഴ്ചയില്ലാതെ ചരിത്ര വിശകലനം നടത്തുന്ന അപക്വമതികള്‍ക്ക് പ്രവാചക ചരിത്രത്തെക്കുറിച്ച് ചോദിക്കാവുന്ന ചില വിഡ്ഢിച്ചോദ്യങ്ങളുണ്ട്:
1. പ്രവാചകത്വത്തിന്‍റെ ആദ്യ നാളുകളില്‍ തന്നെ അദ്ദേഹമെന്ത് കൊണ്ട് പരസ്യപ്രബോധനം നടത്താന്‍ 'ധൈര്യം' കാണിച്ചില്ല?
2. ഉമറും ഹംസയും ഇസ്‌ലാമില്‍ വന്നതിന്ന് ശേഷം സ്വീകരിച്ച നിലപാട് നേരത്തെ സ്വീകരിക്കുവാന്‍ എന്ത് കൊണ്ട് നബിക്കും അബൂബക്കറിന്നും 'സാധിക്കാതെ' പോയി?
3. ഇസ്‌ലാമിന്‍റെ ആദ്യ നാളുകളില്‍ തന്നെ ഒരു 'ചെറുത്ത് നില്‍പ്പ് പ്രസ്ഥാനത്തിന്ന്' തുടക്കം കുറിക്കാന്‍ 'ധൈര്യം' കാണിച്ചിരുന്നുവെങ്കില്‍ പാവപെട്ട മുസ്‌ലിംകള്‍ മര്‍ദ്ദിക്കപ്പെടുമായിരുന്നില്ലല്ലോ
4. മക്കയിലെ ദുര്‍ബലരായ വിശ്വാസികളെ പീഡിപ്പിച്ചവരെ ഒന്ന് ഭയപ്പെടുത്തി പിന്തിരിപ്പിക്കുവാന്‍ പാകത്തില്‍ അവര്‍ക്ക് നേരെ ഒളിയാക്രമണം പോലും നടത്താതിരുന്നതെന്ത് കൊണ്ട്?.
5. ബദ്റിന്‍റെയും ഉഹ്ദിന്‍റെയും ഘട്ടത്തില്‍ സ്വീകരിച്ച നിലപാട് മക്കയില്‍ സ്വീകരിച്ചിരുന്നുവെങ്കില്‍ ഹിജ്റ തന്നെ ഒഴിവാക്കാമായിരുന്നില്ലേ?
6. അങ്ങനെ ചെയ്തിരുന്നുവെങ്കില്‍ മക്കയെ പ്രവാചകന്‍ സ്ഥാപിച്ച ഇസ്‌ലാമിക രാഷ്ട്രത്തിന്‍റെ തലസ്ഥാനമാക്കാന്‍ സാധിക്കുമായിരുന്നില്ലേ?
ജമാഅത്തെ ഇസ്‌ലാമി ഇപ്പോള്‍ സ്വീകരിക്കുന്ന നിലപട് എന്തുകൊണ്ടാണ്‌ അറുപത്
വര്‍ഷം മുമ്പ് സ്വീകരിക്കാതിരുന്നത് എന്ന ചോദ്യവും ഇതിനേക്കാള്‍
മെച്ചപ്പെട്ടതല്ല.
കെ.കെ. ആലിക്കോയ
2 comments:
:)
കൊള്ളാം... നല്ല കാഴചപ്പാട്
Well, It doesnt matter wheter it goes in 1st or 2nd or 3rd gear. But the destination really matters.And I dont beleive that Jama at dont have any destination and many raised their concerns about the destination.
Interested to know in whcih gear Jamat goes now and what it would be tomorrow !
Post a Comment